FÝTBOL: «Astanaǵa» bas bapkeri taǵaıyndaldy
ASTANA. QazAqparat - 1 maýsymnan bastap «Astana» fýtbol klýbynyń bas bapkeri qyzmetine latvııalyq «Venspıls», odessalyq«Chernomorets» jáne ázerbaıjandyq «Gabala» ujymdarynda qyzmet atqarǵan ýkraınalyq maman Roman Grıgorchýk taǵaıyndaldy, dep habarlaıdy QazAqparat klýbtyń baspasóz qyzmetine silteme jasap.
Roman Grıgorchýk úsh túrli klýbpen Eýropa Lıgasynyń toptyq kezeńine shyqqan óte tájirıbeli maman: latvııalyq «Venspıls», odessalyq«Chernomorets» jáne ázerbaıjandyq «Gabala» (eki ret). 2013/2014 jylǵy maýsymda odessalyq klýbpen atalmysh týrnırdiń 1/16 fınalyna joldama alǵan bolatyn.
Odan bólek ýkraınalyq maman úsh márte Latvııa chempıonatynyń 3 tıtýlyn ıelenip, eki márte balqan túbegi eliniń Kýbogynda jeńiske jetken, sonymen qatar Ázerbaıjan chempıonatynda eki ret kúmis, eki ret qola júldeni jeńip alǵan.
Al jekeleı marapatqa keler bolsaq, Grıgorchýk úsh márte Latvııanyń úzdik bapkeri atanyp, Ýkraına jáne Ázirbaıjanda bir retten osy jetistikke qol jetkizgen.
Roman Grıgorchýk 1965 jyly 22 naýryzda dúnıege kelgen. Ýkraına eliniń azamaty. Joǵary bilimdi. Bapkerlik lıtsenzııasy: PRO UEFA. Myna klýbtarda oınaǵan: «Prıkarpate» (Ivano-Frankovsk), «Sankt-Pelten» (Aýstrııa), «Petrohımııa» (Polsha), «Satýrn» (Ramenskoe, Reseı), «Krıvbass» (Ýkraına), «Dınabýrg» (Latvııa). Bapker retinde «Dınabýrg» (Latvııa), Venstpıls» (Latvııa), «Metallýrg» (Zaporoje, Ýkraına), «Chernomorets» (Odessa, Ýkraına), «Gabala» (Ázerbaıjan) klýbtarynda jumys jasaǵan.
Jetistikterine keler bolsaq, 2006, 2007, 2008 Latvııa Chempıony, 2005, 2007 Latvııa Kýbogynyń ıegeri, 2006, 2007, 2008 Latvııanyń úzdik bapkeri, 2012/13 Ýkraına Kýbogynyń fınalısi, 2012/13 Ýkraınanyń úzdik bapkeri, 2014/15, 2015/16 Ázerbaıjan chempıonatynyń qola júldegeri, 2016/17, 2017/18 Ázerbaıjan chempıonatynyń kúmis júldegeri, 2016/17, 2017/18 Ázerbaıjan Kýbogynyń fınalısti, 2015/16 Ázerbaıjannyń úzdik bapkeri atanǵan.
