Fýtbol: «Astana» jeńip, «Qaırat» qarsylasyna ese jiberdi
NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiligi ekinshi týry máresine jetti, dep habarlaıdy QazAqparat tilshisi.
Elordalyq «Astana» Aqtaýda jergilikti «Kaspıı» komandasymen kezdesti. Jankúıer kókeıinde Premer-lıgaǵa 19 jyldan keıin oralǵan aqtaýlyq klýb alty dúrkin el chempıonyna qandaı qaýqar kórsete alady degen saýal bolǵan edi. Elordalyq fýtbolshylar oıyn basynan tizgindi qolyna alýǵa tyrysty. Nátıjesinde olardyń qatarynan 16-mınýtta Rýnar Sıgýronsson penaltıden esep ashsa, 18-mınýtta Tıgran Barsegıan esepti ústemeleı tústi. Al 41-mınýtta «Astana» sapynan ıÝrıı Logvınenko mergendik tanytty.
«Kaspıı» oıynshysy Aleksandr Stanıslavlevıch 63-mınýtta óz komandasynyń bıylǵy birinshiliktegi alǵashqy golyn soqty. Olardyń qatarynan 92-mınýtta Taras Bondarenko elordalyq qaqpaǵa taǵy bir gol soqty. Oıynda «Astana» 3:2 esebimen basym tústi.
Qaraǵandynyń «Shahteri» Qostanaı qalasynda Almatynyń «Qaıratymen» kezdesti. Kezdesý barysynda qaraǵandylyqtar 17-mınýtta alǵa shyqty. Ony shabýylshy Baýyrjan Turysbek óziniń enshisine jazdy. Kezdesý 1:0 esebimen «Shahterdiń» paıdasyna sheshildi.
Búgin taǵy eki oıyn ótkizilgen edi. Óz alańynda «Taraz» Shymkenttiń «Ordabasy» klýbynan 3:2 esebimen basym tússe, Kókshetaýdyń «Oqjetpesi» Qyzylordanyń «Qaısarynan» 0:1 esebimen jeńilip qaldy . Al 14 naýryzda «Jetisý» - «Tobyl» komandalary 0:0, «Ertis» - «Qyzyljar» komandalary 1:1 esebimen teń tústi.
