FÝTBOL: «Astana» shvetsııalyq «AIK» komandasynan aılasyn asyra almady
ASTANA. QazAqparat - Eýropa Lıgasynyń úshinshi raýndynda «Astana» shvetsııalyq «AIK» komandasyn qabyldady.
Tartysty ótken match 1:1 esebimen aıaqtaldy. Alǵashqy taımnyń basynda birinshi bolyp qazaqstandyq fýtbolshylar gol ótkizip alǵan bolatyn. Toǵyzynshy mınýtta soǵylǵan doptyń avtory Nabıl Baýı atandy.
Oıynnyń 44-mınýtynda Tańat Nóserbaev «Astanany» jeńilisten aman saqtap qaldy. Aıta ketý kerek, jergilikti fýtbolshylardyń basymdyǵy óte joǵary boldy. Degenmen, «AIK» qorǵaýshylary men qaqpashysy óte saýatty oınady. Kelesi match bir aptadan soń Stokgolmde bolady.
