Fýtbol: «Astana» Portýgalııada aǵylshyn klýbynan basym tústi
NUR-SULTAN. QazAqparat - Elordalyq «Astana» Portýgalııa jerinde ótip jatqan oqý-jattyǵý jıyny barysynda Anglııanyń «Brentford» joldastyq kezdesý ótkizdi, dep habarlaıdy QazAqparat tilshisi.
«Brentford» deńgeıi jaǵynan ekinshi dıvızıon sanalatyn chempıonshıpte oıyn kórsetedi. Aldaǵy maýsymda Premer-lıgaǵa shyǵýǵa kúsh salyp keledi.
Búgingi kezdesýde «Astana» sapynan Ramazan Karımov 12, Dorın Rotarıý 41, Alekseı Şetkın 80, Tıgran Barsegıan 85-mınýttarda gol soqsa, oǵan aǵylshyn klýby eki golmen jaýap qaıyrdy.
Atalmysh kezdesýde elordalyq klýb sapynda alǵashqy kezeńde Nepogodov, Rýkavına, Kashken, Malyı, Logvınenko, Beısebekov, Maevskıı, Pertsýh, Tomasov, Rotarıý, Karımov syndy oıynshylar jasyl alańǵa shyqty. Al ekinshi kezeńde Pavlov, Bystrov, Beısebekov, Postnıkov, Tomashevıch, Shomko, Ebong, Sıgýronsson, Barsegıan, Jalmuqan, Şetkın oıyn kórsetti.
Esterińizge sala ketelik, 31 qańtar-5 aqpan aralyǵynda «Astana» Portýgalııada halyqaralyq «Atlantic Cup» joldastyq týrnırinde oıyn kórsetedi. Onda A tobynda Danııanyń «Brondbıý» jáne «Kopengagen», Shvetsııanyń «Norrchepıng» komandalary synǵa túsedi.
