Fýtbol: «Astana» óz alańyndaǵy alǵashqy oıyndaryn Almatyda ótkizedi
NUR-SULTAN. QazAqparat – El chempıony «Astana» óz alańyndaǵy alǵashqy oıyndaryn Almatyda ótkizedi, dep habarlaıdy QazAqparat tilshisi.
«Astana» fýtbol klýby málim etkenindeı, bul «Astana Arena» stadıonynda jóndeý jumystarynyń júrgizilýine baılanysty bolyp otyr.
Osyǵan oraı Mıhal Bılektiń shákirtteri maýsym basynda qonaqtardy Almatydaǵy «Jas Qyran» stadıonynda qabyldaıdy.
Atalmysh stadıondaǵy jasandy alań 2018 jyly FIFA-nyń sertıfıkattaýynan ótken. Oǵan 1500 adam syıady.
«Jas Qyrandaǵy» birinshi match 7 naýryz kúni bolady. Bul kúni «Astana» Petropavldyń «Qyzyljarymen» jasyl alańǵa shyǵady.
7 naýryzda, sondaı-aq, «Ordabasy» - «Oqjetpes», «Qaırat» - «Taraz», «Tobyl» - «Shahter», «Kaspıı» - «Jetisý», «Qaısar» - «Ertis» oıyndary ótedi.
Eske sala keteıik, budan buryn fýtboldan Qazaqstan chempıonatynyń ataýy ózgergenin jazǵan bolatynbyz.
