Fýtbol: «Astana» óz alańynda qostanaılyqtardy utty
ASTANA. QazAqparat - Qazaqstan chempıonatynyń jetinshi týrynda «Astana» Qostanaıdyń «Tobylyn» qabyldady, dep habarlaıdy QazAqparat.
Alǵashqy mınýttardan-aq alań ıeleri dopqa ıelik etýdi qolǵa aldy. Aıta keteıik, bul oıynda «Tobyl» qaqpasyn Vıacheslav Kotlıar qorǵady. Birinshi taım ortasyna taman «tobyldyq» Vıktor Dmıtrenko aıyp alańynda turyp, soqqy jasady. Alaıda, elordalyq qorǵaýshylar kerek jerden tabyldy. Taım sońyna taman tártip buzýlar jıilep ketti. "Astana" sapynan Baqtıer Zaınýtdınov pen «Tobyl» kapıtany Azat Nurǵalıev "sary" qaǵazben jazalandy.
Oıynnyń ekinshi bóligi qostanaılyqtardyń jyldam shabýylymen bastaldy. Alǵa umtylǵan Djaba Kankavany vengrııalyq legıoner Laslo shalyp jyqty.Vasılıı Kobın oryndaǵan aıyp soqqysy "Tobyl" oıynshylaryna nátıje ákelmedi. Munan soń alańǵa Baýyrjan Turysbek shyqty. Ol Maksım Fedındi almastyrdy.
Match sońyna taıaý Azat Nurǵalıev óz aıyp alańynda Marın Tomasovty tartyp qulatty. Tóreshi on bir metrlik aıyp dobyn belgiledi. Núktege kelgen Tvýması qatelespedi. 1:0!
Toqsan mınýt ta túgesildi.Ókinishke qaraı, 3 upaı qostanaılyqtardyń qanjyǵasynan syrǵyp ketti.
Oıynnan keıingi baspasóz májilisinde «Tobyl» bapkeri Vladımır Nıkıtenko esepti teńestiretin sátterdiń kóp bolǵanyn aıtty. Al onyń astanalyq áriptesi Grıgorıı Babaıan «Tobyl» sııaqty komandamen bolǵan qıyn oıynda úsh upaı alýdyń mańyzdy ekenine toqtaldy.
