Fýtbol: «Astana» óz alańynda «Aqjaıyqtan» basym tústi
ORAL. QazAqparat – Fýtboldan Qazaqstan chempıonatynyń jetinshi týrynda «Astana» klýby óz alańynda «Aqjaıyqty» qabyldady, dep habarlaıdy QazAqparat tilshisi.
Elordalyqtar týrnır kestesinde jekedara kósh bastasa, oraldyqtar toǵyzynshy orynda turǵan-dy.
Birinshi taım basynda Marın Tomasovtan pas alǵan Armenııa quramasynyń shabýylshysy Tıgran Barsegıan qaqpa buryshyn dál kózdedi – 1:0.
Ekinshi taımda «Aqjaıyqtyń» bas bapkeri Vladımır Mazıar biraz oıynshyny almastyryp, matchqa tyń lep berýge tyrysty. Qonaqtardyń birneshe soqqysynan keıin dop «Astananyń» qaqpashysy Dmıtrıı Nepogodovtyń qolynan tabylyp jatty. Sol sııaqty Sergeı Lıtovchenko da budan keıin óz qaqpasyna dop jibergen joq.
Osylaısha 1:0 esebimen jeńiske jetken elordalyqtar 20 upaımen oq boıy uzap ketti. Óıtkeni ekinshi oryndaǵy Qostanaıdyń «Tobyly» Aqtaýda «Kaspııden» 1:2 esebimen utylyp qaldy.
Eske sala keteıik, budan buryn «Aqjaıyqtyń» óz alańynda «Aqtóbeni» jeńgenin jazǵan bolatynbyz.
Sýretter: Aıbatyr Nurash
