Fýtbol: «Astana» men «Metallýrg-Kýzbasc» komandalary teń tústi

Astanalyqtardyń baspasóz qyzmetiniń habarlaýynsha, qazaqstandyq aıaqdopshylar arasynan Ulan Qonyspaev kezdesýdiń tórtinshi mınýtynda esep ashqan. Onymen toqtap qalmaı araǵa on mınýt salyp Mıroslav Beranektiń shákirtteri qarsylastar qaqpasyna ekinshi dopty toǵytqan. Vladımır Fedotov jattyqtyratyn novokýznetskilikter sapynan odan keıin Ivan Shpakov kózge tústi. Al oıynyń ekinshi jartysynda Vladımır Voskoboınıkov esepti teńestirip, óz komandasyn jeńilisten qutqaryp qaldy.

Bul astanalyq aıaqdopshylarlyń Túrkııadaǵy ekinshi oqý-jattyǵý jıyny aıasyndaǵy alǵashqy sparrıngtik kezdesýi bolatyn. Al 2001/2012 jylǵy maýsymda Reseıdiń Ekinshi dıvızıonynyń «Batys» aımaǵynda birinshi oryn alyp, 2012/2013 jylǵy maýsymda Reseı fýtbol lıgasynda baq synap júrgen Novokýznetsk fýtbolshylary buǵan deıin Qostanaıdyń «Tobyl» komandasymen de 0:0 esebimen teń túsken bolatyn.