Fýtbol: «Astana» men «Qaırat» teń tarqasty
ASTANA. QazAqparat - Fýtboldan Qazaqstan Premer-lıgasynyń 5-týry aıasynda «Astana» óz alańynda «Qaıratty» qabyldady, dep habarlaıdy QazAqparat tilshisi.
Týrnır kestesinde úshinshi orynda kele jatqan Almatynyń «Qaırat» komandasy kósh bastaý úshin búgin qalaıda úsh upaı úshin bar kúshin salatyndyǵy o bastan belgili edi. Alaıda Baqtııar Zaınýtdınov 51-mınýtta esep ashyp, elordalyqtardy alǵa shyǵardy.
Oǵan Andreı Arshavın 71-mınýttaǵy golymen jaýap berdi. 1:1 esebi kezdesý sońyna deıin saqtalyp qaldy.
5 oıynnan keıin «Astana» 13 upaımen birinshi orynda tur. Al ekinshi orynda Shymkenttiń «Ordabasy» komandasy 12 upaımen elordalyqtardy ókshelep keledi. Al 3-orynda qalǵan «Qaırattyń» enshisinde endi 11 upaı bar.
Foto: fca.kz
