Fýtbol: «Astana» men «Qaırat» teń tarqasty
ASTANA. QazAqparat - Búgin fýtboldan Premer-lıga komandalary arasynda Qazaqstan chempıonatynyń kezekti týrynda ortalyq kezdesý elordada «Astana» men Almatynyń «Qaıraty» arasynda ótti, dep habarlaıdy «QazAqparat» tilshisi.
Tartysty matchta esepti qonaqtar ashty. 35-mınýtta «Qaırattyń» jartylaı qorǵaýshysy Islambek Qýattyń aıyp alańyna kirmesten, alystan shirene tepken doby qaqpa mańdaıshasyna tıip, torda týlap jatty. Budan keıin astanalyqtar qanshama tyrysqanymen, kópke deıin degenderine jete almady. Tek oıynnyń aıaqtalýyna sanaýly mınýttar qalǵanda, bosnııalyq jartylaı qorǵaýshy Srdjan Grahovats tarazy basyn teńestirip ketti.
Sóıtip, «Qaırat» osynyń aldynda jeti ret qatarynan jeńiske jetken «Astananyń» qarqynyn tejedi. Bıylǵy maýsymda jeńilistiń aşy dámin tata qoımaǵan almatylyqtardyń bul jetinshi teń oıyny edi. Kósh basynda 23 upaı jınaǵan astanalyqtar keledi. Ekinshi jáne úshinshi oryndaǵy «Ordabasy» (Shymkent) men «Qaırattyń» 19-dan upaılary bar. Oǵan qosa «Astananyń» bir oıyny kem.
