FÝTBOL: «Astana» men «Qaırat» komandalarynyń Sýperkýbokqa talasy bastaldy (FOTO)
ASTANA. QazAqparat - Búgin elordanyń «Astana Arena» stadıonynda Qazaqstan fýtbolynyń jańa maýsymy bastaldy. Onda byltyrǵy maýsymnyń jeńimpazy «Astana» men kýbok ıegeri almatylyq «Qaırat» arasynda Sýperkýbok oıyny ótip jatyr.
Matchtyń bas tóreshisi - ózbekstandyq qazy Ravshan Irmatov.
Aıta keterligi, bul osy maýsymdaǵy alǵashqy match. Komandalar arasyndaǵy ózgeristerge kelsek, almatylyqtarda jańa oıynshylar arasynda qaqpashy Andreı Sıdelnıkov, «Astana» sapynda byltyr «Qaıratta» oınaǵan Djordje Despotovıch pen Ashat Taǵybergen oınaıdy. «Qaırat» óz tarıhynda el Kýbogyn 7 márte jeńip, Sýperkýbok fınalyna osymen ekinshi ret shyǵyp otyr. Aıta keterligi, byltyrǵy jyly «Astana Arenada» «Astana» men «Qaırat» shyǵyp, penaltı serııasy boıynsha elordalyqtar jeńiske jetken bolatyn.
«Astananyń» bas bapkeri Stanımır Stoılov baspasóz máslıhatynda komandasynyń byltyr kórsetken fýtboldy pash ete alatynyn senimdi aıtqan bolatyn. Onyń sózi boıynsha, «Astana» komandasynyń barlyq oıynshylary joǵary daıyndyqpen kelip otyr.
«Astana» men «Qaırat» arasyndaǵy bul oıynda joldastyq match sekildi bolýy múmkin emes. Úlken fýtbol qaqtyǵysy oryn alady. Biz bul sýperkýbokqa myqty daıyndaldyq. Fýtbolshylar barlyq kúshin salyp, ónerin kórsetýi tıis», - dedi S. Stoılov.
