Fýtbol: «Astana» maýsymdaǵy sońǵy matchyn Belgradta ótkizedi
NUR-SULTAN. QazAqparat – «Astana» bıylǵy maýsymdaǵy sońǵy oıynyn ótkizý úshin Belgradqa sapar shekti, dep habarlaıdy QazAqparat tilshisi.
«Astana» fýtbol klýbynan málim etkenindeı, elordalyqtar Serbııa astanasynda aldymen qysqa merzimdi oqý-jattyǵý jıynyn ótkizedi.
Ýkraınalyq maman Roman Grıgorchýktyń shákirtteri myna quramda attandy: qaqpashylar - Nenad Erıch, Aleksandr Mokın, Stanıslav Pavlov, Vladıslav Saenko; qorǵaýshylar - Dmıtrıı Shomko, Antonıo Rýkavına, Abzal Beısebekov, Evgenıı Postnıkov, ıÝrıı Logvınenko, Saǵı Sovet; jartylaı qorǵaýshylar – Dıdar Jalmuqan, Ivan Maevskıı, ıÝrıı Pertsýh, Serikjan Mýjıkov, Dorın Rotarıý, Rýnar Sıgýronsson, Jasulan Qaıyrkenov, Mádı Jaqypbaev; shabýylshylar - Rangelo ıAnga, Roman Mýrtazaev, Sergeı Hıjnıchenko, Vladıslav Prokopenko.
Al bul sapardan tys qalǵan Marın Tomasov, Lýka Shımýnovıch, Jarko Tomashevıch jáne Fırmın Mýbele qalpyna kelýi úshin jeke baǵdarlama boıynsha jattyǵýda.
«Partızan» - «Astana» matchy jeltoqsannyń 12-sinen 13-ine qaraǵan túni Nur-Sultan ýaqytymen 02.00-de bastalady. Ony tikeleı efırde Qazsport arnasy kórsetedi.
Eske sala keteıik, budan buryn «Astana» «Manchester ıÝnaıtedti» utyp, alǵashqy úsh upaıǵa ıe bolǵan edi.
L tobynda «Manchester ıÝnaıted» 10 jáne gollandııalyq «AZ Alkmaar» klýby 9 upaı jınap, pleı-off básekesine joldama alý máselesin sheship qoısa, úshinshi oryndaǵy «Partızanda» 5 upaı bar.
