FÝTBOL: «Astana»-«Marıbor» matchy ony tamashalaýǵa jınalǵan jankúıerler sany boıynsha eýrokýbok matchtarynyń úzdik úshtigine endi
ASTANA. QazAqparat - Elordalyq «Astana» fýtbol komandasy men slovenııalyq «Marıbor» matchy ony tamashalaýǵa jınalǵan sportsúıer qaýymnyń sany boıynsha eýrokýboktardaǵy qazaqstandyq klýbtardyń óz alańynda ótkizgen matchtarynyń úzdik úshtigine endi, dep jazady Sports.kz.
Aıta keteıik, 22 shilde kúni «Astana-Arena» stadıonynda ÝEFA Chempıondar Lıgasynyń ekinshi irikteý kezeńinde «Astana» fýtbol komandasy slovenııalyq «Marıbordy» qabyldap, 3:1 esebimen utty. Bul matchty 23 650 adam tamashalaǵan.
Osylaısha, bul oıyn eń kóp jankúıer jınalǵan oıyndardyń úshtigine endi.
Sonymen, eýrokýboktardaǵy eń kóp jankúıer jınaǵan qazaqstandyq fýtbol klýbtarynyń óz alańyndaǵy machtary: 1. «Shahter» (Qaraǵandy) - «Seltık» (Shotlandııa). «Astana Arena» 29 950 kórermen tamashalady; 2. «Astana» (Astana) - «Vılıarreal» (Ispanııa). «Astana Arena» 27 500 kórermen tamashalady; 3. «Astana» (Astana) - «Marıbor» (Slovenııa). «Astana Arena» 23 650 kórermen tamashalady; 4. «Kaırat» (Almaty) - «Alashkert» (Armenııa). «Ortalyq» stadıon. 22 100 kórermen tamashalady.
