FÝTBOL: «Astana» kapıtany men qaqpashysy Chempıondar lıgasynda kimmen oınaýdy armandady?
ASTANA. Qazaqstan - "Astana" fýtbol klýbynyń ÝEFA Chempıondar lıgasynyń toptyq kezeńine ótýine oraı bolǵan baspasóz máslıhaty barysynda jýrnalıster komanda kapıtany Tańat Nóserbaev pen qaqpashy Neımad Erıchke osy suraqty qoıdy.
Aldymen, "komanda kapıtany retinde oıynshylardy qalaı jigerlendirip otyrasyz?" degen suraqqa jaýap bere kele T.Nóserbaev: "Oıynshylardyń taktıkasyna árıne, bas bapker jaýap beredi. Al, kapıtan retinde aıtarym, klýbtaǵy árbir oıynsha óz isiniń naǵyz sheberi. Sondyqtan, árqaısysy óz jumysyn jaqsy biledi. Árqaısymyz aldaǵy oıyndardyń qanshalyqty tarıhı mańyzǵa ıe ekenin jaqsy túsinemiz",-dep jaýap berdi.
Bir qyzyǵy, klýbtyń kapıtany men komandanyń qaqpashysy da Chempıondar lıgasynyń toptyq kezeńinde "ıÝventýs" komandasymen bir topqa tússek eken dep armandapty.
Komanda kapıtany Tańat Nóserbaev: "Meniń armanyń "ıÝventýs"-pen oınaý edi. Jas kezimde sol komandany súıip kóretinmin. Jerebe tartýda sol komandany qalaǵan edim",-dese, qaqpashy Neımad Erıch: "Men "ıÝventýs" klýbymen oınasaq dep tilegenmin. Sebebi, men ózim osy komandanyń oıyndaryn tamashalaımyn. Sondyqtan, "ıÝventýs"-pen oınasaq degen tilek boldy",-dep jaýap berdi.
Esterińizge sala keteıik, "Astana" fýtbol klýby Qazaqstannyń fýtbol tarıhynda ÝEFA Chempıondar Lıgasynyń toptyq kezeńine ótken alǵashqy komanda. Endi elordanyń fýtbol klýby S tobynda "Benfıka" (Lıssabon, Portýgalııa", "Atletıko" (Madrıd, Ispanııa) jáne "Galatasaraı" (Ystambul, Túrkııa) komandalaryna qarsy oıyn kórsetedi. Bul kvartette "Astana" 15 qyrkúıekte Portýgalııada "Benfıka" komandasyna qarsy oınaıdy. Al, 30 qyrkúıek kúni "Astana" óz alańynda "Galatasaraı" komandasymen jasyl alańǵa shyǵady.
