Fýtbol: «Astana» halyqaralyq týrnırge qatysady
NUR-SULTAN. QazAqparat - Elordalyq «Astana» kelesi jyly aqpan aıynda fýtboldan Portýgalııada ótetin halyqaralyq «Atlantic Cup» joldastyq týrnırine qatysady, dep habarlaıdy QazAqparat komanda saıtyna silteme jasap.
Atalmysh týrnırge «Astana» komandasynyń negizgi quramy qatysady dep josparlanyp otyr. Elordalyq klýbtan bólek oǵan Danııanyń «Kopengagen», «Orhýs», «Brondbıý», Shvetsııanyń «Norcheppıng» jáne «Hakken» komandalary keletini belgili bolyp otyr.
Halyqaralyq týrnır 2011 jyldan beri ótkizilip keledi. Búgingi kúnge deıin toǵyz komanda jeńimpaz atanyp úlgerdi. Olardyń qatarynda Danııanyń «Mıdtıýllann», «Kopengagen», «Orhýs», Reseıdiń «Zenıt», «Dınamo» (Máskeý), Avstrııanyń «Rapıd Vıen», «Red Býll Zaltsbýrg», Shvetsııanyń «Elfsborg», Horvatııanyń «Rıeka» komandalary altynnan alqa taqty.
