Fýtbol: «Astana» halyqaralyq týrnırde qaı kúnderi oınaıdy
NUR-SULTAN. QazAqparat - Elordalyq «Astana» qatysatyn 2020 jyldyń aqpan aıynda Portýgalııada ótetin fýtboldan halyqaralyq «Atlantic Cup» joldastyq týrnırindegi oıyn kúntizbesi belgili boldy, dep habarlaıdy QazAqparat tilshisi.
Esterińizge sala ketelik, 31 qańtar jáne 5 aqpan aralyǵynda «Astana» A tobynda synǵa túsedi. Qarsylastary - Danııanyń «Brondbıý» jáne «Kopengagen», Shvetsııanyń «Norrchepıng» komandalary. Al V tobynda Danııanyń «Orhýs», Shvetsııanyń «Hakken» jáne Chehııanyń «Slavııa» klýbtary sheberlik baıqasady.
«Astana» 1 aqpanda Danııanyń «Kopengagen» komandasymen sheberlik baıqasady. «Kopengagen» 1992 jyly qurylǵan. Búgingi kúnge deıin óz eliniń 13 márte chempıony atansa, 6 márte kúmis, 2 márte qola júldeger boldy.
Odan keıin «Astana» 4 aqpanda Danııanyń taǵy bir komandasy «Brondbıý» klýbymen kezdesedi. «Brondbıý» 1964 jyldan beri óz elinde 10 márte jeńimpaz tuǵyrynan kóringen.
Halyqaralyq týrnır 2011 jyldan beri ótkizilip keledi. Búgingi kúnge deıin toǵyz komanda jeńimpaz atanyp úlgerdi. Olardyń qatarynda Danııanyń «Mıdtıýllann», «Kopengagen», «Orhýs», Reseıdiń «Zenıt», «Dınamo» (Máskeý), Avstrııanyń «Rapıd Vıen», «Red Býll Zaltsbýrg», Shvetsııanyń «Elfsborg», Horvatııanyń «Rıeka» komandalary altynnan alqa taqty.
