Fýtbol: «Astana» el birinshiliginde kósh basyna shyqty

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 25-týrynda elordalyq «Astana» jeńiske jetti, dep habarlaıdy QazAqparat tilshisi.

Elordalyq komanda búgin syrt alańda Petropavldyń «Qyzyljarynan» 2:0 esebimen basym tústi. Oıyn barysynda olardyń qatarynan Abat Aıymbetov 40, Pedro Eýjenıo 59-mınýtta mergendigimen erekshelendi. Qatarynan tórt márte jeńiske jetken elordalyq komanda týrnır kestesinde birinshi orynǵa kóterildi.

Taǵy bir kezdesýde Almatynyń «Qaıraty» óz alańynda Pavlodar oblysynyń «Aqsýymen» sheberlik baıqasty. Alań ıelerinen Joao Paolo 59, Gúljigit Alyqulov 89-mınýtta kózdegen nysanadan múlt ketken joq. Osylaısha, «Qaırat» qarsylasyn 2:0 esebimen tize búktirdi.

Dál qazir ótip jatqan «Atyraý» men «Shahter» (Qaraǵandy) kezdesýinde qonaqtar 2:1 esebimen jeńip jatyr.

Sondaı-aq, búgin «Turan» (Túrkistan) men «Maqtaral» (Túrkistan oblysy) komandalary kezdesedi.

Al, 29 qazanda «Ordabasy» men «Aqtóbe» 2:2, «Kaspıı» (Aqtaý) men «Aqjaıyq» (Oral) 0:0 esebine qanaǵat bildirse , «Taraz» óz alańynda «Tobylǵa» (Qostanaıǵa) 0:2 esebimen jol berdi.