Fýtbol: «Astana» - «Dınamo Tbılısı» kezdesýi qaı telearnadan kórsetiledi

ASTANA. QazAqparat - Fýtboldan UEFA Chempıondar lıgasy birinshi irikteý satysyndaǵy «Astana» - «Dınamo Tbılısı» kezdesýiniń qaı telearnadan kórsetiletini belgili boldy, dep habarlaıdy QazAqparat tilshisi.

Bul kezdesý 12 shildede elordadaǵy «Astana-arena» stadıonynda ótkiziledi. Oıyn «Qazsport» telearnasynan tikeleı efırde elorda ýaqytymen 19:50-de bastalady.

Eki komanda arasyndaǵy qarymta kezdesý 19 shildege belgilengen.

Jeńimpaz ujym ekinshi irikteý satysynda «Dınamo Zagreb» komandasymen sheberlik baıqasady. Oıyn 25 shilde jáne 1 tamyz kúnderi bolady.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.