Fýtbol: Astana-Dınamo oıyny tikeleı efırden kórsetiledi
ASTANA. QazAqparat - «Qazsport» telearnasy tamyzdyń 14-nen 15-ne qaraǵan túni, saǵat 00:00-de Zagrebte ótetin «Astana» (Qazaqstan) - «Dınamo» (Zagreb, Horvatııa) komandalarynyń ekinshi oıynyn tikeleı efırde kórsetetin bolady. Bul týraly QazAqparat telearnanyń baspasóz qyzmetine silteme jasap habarlaıdy.
Aıta keteıik, «Astana»- «Dınamo» klýbynyń birinshi matchy 7 tamyz kúni Astanada ótken bolatyn. Birinshi irikteý kezeńinde 0:2 esebimen «Dınamo» klýbynyń oıynshylary jeńiske jetti. Bul oıynda Horvatııa komandasynyń quramyndaǵy Marıo Býdımır jáne Danı Olmo óz ónerlerin ortaǵa salyp, oıyndarymen erekshelendi.
Al, ekinshi kezdesý Horvatııada 14 tamyzda ótedi. Qazaqstandyq jankúıerler Zagreb qalasynda ótetin ekinshi matchta «Astananyń» ese qaıtaryp, ÝEFA Chempıondar Lıgasynyń pleı-off raýndyna joldama alatynyna senim bildiredi.
«Dınamo» - Horvatııanyń Zagreb qalasynda ornalasqan eń tanymal klýby, óz alańyndaǵy oıyndaryn 38 923 kórermen syıǵyzatyn «Maksımır» stadıonynda ótkizedi. Ár jyldary «Dınamo Zagreb» klýbynda álem fýtbolynyń juldyzdary Zvonımır Boban, Davor Shýker, Robert Prosıneskı, Lýka Modrıch, Marıo Mandjýkıch jáne basqalar oınaǵan.
«Dınamo Zagreb» - «Astana» oıynynda jeńimpaz atanǵan qurama ÝEFA Chempıondar Lıgasynyń pleı-off raýndynda shveıtsarlyq «ıAng Boız» klýbyna qarsy oınaıtyn bolady.
Foto: www.fcastana.kz
