Fýtbol: «Astana» «Atlantic Cup» týrnırinde «Hekken» komandasymen kezdesti
NUR-SULTAN. QazAqparat - Elordalyq «Astana» Portýgalııada ótip jatqan halyqaralyq «Atlantic Cup» týrnırinde Shvetsııanyń «Hekken» komandasymen kezdesti, dep habarlaıdy QazAqparat tilshisi klýbtyń baspasóz qyzmetine silteme jasap.
Esterińizge sala ketelik, «Astana» A tobynda oınady. Alǵashqy týrda elordalyq klýb Danııanyń «Kopengagen» komandasynan 0:1 esebimen jeńilgen elordalyq hokkeıshiler kelesi kezdesýde sol eldiń «Brondbıý» klýbynan 2:1 esebimen basym tústi.
«Hekken» komandasy 1940 jyly 2 tamyzda qurylǵan. Búgingi kúnge deıin Shvetsııada 2012 jyly kúmis júldeger atansa, 2016, 2019 jyldary kýbokqa qol jetkizdi.
Elordalyq klýbtyń bas bapkeri Mıhala Bılek alǵashqy mınýttan Erıch, Rýkavına, Postnıkov, Malyı, Beısebekov, Maevskıı, Ebong, Pertsýh, Rotarıý, Barsegıan, Şetkın syndy shákirtterine senim bildirdi.
Búgingi kezdesýde «Hekken» sapynan Leo Bengtsson 39-mınýtta esep ashsa, 66-mınýtta ıAsse Týomınen esepti ulǵaıta tústi. Oǵan «Astana» jartylaı qorǵaýshysy Marın Tomasov 78-mınýtta jalǵyz golmen jaýap qaıyrdy. Oıynda elordalyq klýb qarsylasynan 1:2 esebimen jeńilip qaldy.
Bıyl týrnırde Danııanyń «Orhýs» komandasy chempıon atandy. Ol búgin fınalda sol eldiń «Kopengagen» klýbynan 1:0 esebimen basym tústi.
Aıta keterligi, halyqaralyq týrnır 2011 jyldan beri ótkizilip keledi. Búginge deıin toǵyz komanda jeńimpaz atanyp úlgerdi. Olardyń qatarynda Danııanyń «Mıdtıýllann», «Kopengagen», «Orhýs», Reseıdiń «Zenıt», «Dınamo» (Máskeý), Aýstrııanyń «Rapıd Vıen», «Red Býll Zaltsbýrg», Shvetsııanyń «Elfsborg», Horvatııanyń «Rıeka» komandalary bar.
