Fýtbol: «Astana» «Atlantic Cup» týrnırinde alǵashqy oıynyn ótkizdi
NUR-SULTAN. QazAqparat - Elordalyq «Astana» Portýgalııada ótip jatqan halyqaralyq «Atlantic Cup» týrnırinde Danııanyń «Kopengagen» komandasymen kezdesti, dep habarlaıdy QazAqparat tilshisi.
Kezdesýde «Astana» sapynda Erıch, Bystrov, Shomko, Logvınenko, Malyı, Postnıkov, Pertsýh, Sıgýronsson (Saǵynaev), Tomasov (Jalmuqan), Barsegıan (Ebong), Rotarıý (Şetkın) oınady.
Oıynda danııalyq klýb 1:0 esebimen jeńiske jetti. Ony 3-mınýtta «Kopengagenniń» ýrýgvaılyq shabýylshysy Maıkl Santos oryndady. «Kopengagen» 1992 jyly qurylǵan. Búginge deıin óz eliniń 13 márte chempıony atansa, 6 márte kúmis, 2 márte qola júldeger boldy
Esterińizge sala ketelik, «Astana» A tobynda oınady. Osy toptańy Danııanyń «Brondbıý» klýby alǵashqy týrda Shvetsııanyń «Norrchepıngin» 2:0 esebimen tize búktirdi. Al V tobynda Shvetsııanyń «Hekken», Chehııanyń «Slavııa» (Praga), Danııanyń «Orhýs» jáne Norvegııanyń «Volerenga» komandalary synǵa túsedi https://kaz.inform.kz/news/futbol-astana-halykaralyk-turnirge-katysady_a3591526. Halyqaralyq týrnır 5 aqpanda máresine jetedi.
Halyqaralyq týrnır 2011 jyldan beri ótkizilip keledi. Búginge deıin toǵyz komanda jeńimpaz atanyp úlgerdi. Olardyń qatarynda Danııanyń «Mıdtıýllann», «Kopengagen», «Orhýs», Reseıdiń «Zenıt», «Dınamo» (Máskeý), Avstrııanyń «Rapıd Vıen», «Red Býll Zaltsbýrg», Shvetsııanyń «Elfsborg», Horvatııanyń «Rıeka» komandalary altynnan alqa taqty.
Foto:www.fck.dk
