Fýtbol: «Astana» «Arsenalmen» teń tústi
NUR-SULTAN. QazAqparat - Búgin elordalyq «Astana» Túrkııadaǵy oqý-jattyǵý jıyny barysynda Reseıdiń «Arsenal» (Týla) komandasymen joldastyq kezdesý ótkizdi, dep habarlaıdy QazAqparat tilshisi.
Oıyn 1:1 esebimen aıaqtaldy. Kezdesýdiń jetinshi mınýtynda «Astana» sapyna jaqynda qosylǵan kıprlik fýtbolshy Pıeros ıslandııalyq jartylaı qorǵaýshy Rýnar Mar Sıgýronssonǵa ádemi pas shyǵaryp berdi. Oǵan reseılik komanda 28-mınýtta jaýap golyn soǵyp ketti.
«Arsenal» klýby qazir Reseı Premer-lıgasynda qysqy úzilisten keıin 19 oıynda 25 upaı jınap, týrnır kestesinde altynshy orynda keledi. Al «Astana» 29 aqpanda Qostanaı qalasynda Qazaqstan sýperkýbogynda Qyzylordanyń «Qaısar» komandasymen kezdesedi.
Budan buryn «Qaırat» Reseıdiń «Rýbın» klýbynan basym túskenin habarlaǵan edik.
