FÝTBOL: «Astana»-«Aqtóbe» matchynyń ótetin kúni aýystyryldy
ASTANA. QazAqparat - «Astana»-«Aqtóbe» matchy 14 tamyzdan 13 tamyzǵa aýystyryldy, dep habarlaıdy, «Astana» FK baspasóz qyzmetinen. Oǵan sebep - «Astana» fýtbol klýby ÝEFA chempıondar Lıgasynyń pleı-off raýndyna qatysady.
Atalǵan match Aqtóbe qalasyndaǵy Ortalyq stadıonda 13 tamyzda jergilikti ýaqyt boıynsha saǵat 19.00-de (Astana ýaqyty boıynsha saǵat 20.00-de) bastalady. Al dýbldegi quramdar jekpe-jegi bir kún buryn, 12 tamyzda Aqtóbe qalasyndaǵy №8 balalar men jasóspirimderdiń olımpıadalyq rezerv mektebiniń alańynda jergilikti ýaqyt boıynsha saǵat 18.00-de ótedi.
