Fýtbol: «Astana» «Aqsýdy» tize búktirdi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 12-týrynda elordalyq «Astana» «Aqsýdy» tize búktirdi, dep habarlaıdy QazAqparat tilshisi.
Elordalyq «Astana» óz alańynda Pavlodar oblysynyń «Aqsý» komandasyn qabyldady.
Týrnır kestesinde elordalyq klýb kósh basynda tursa, pavlordalyq komanda sońǵy orynnyń birinde keledi.
Soǵan qaramastan «Aqsý» qarsylasyna laıyqty tótep bere bildi. Oıynnyń 31-mınýtynda «Astana» shabýylshysy Marın Tomasov mergendik tanytty.
Osylaısha elordalyq klýb qarsylasynan 1:0 esebimen basym tústi.
Dál osyndaı eseppen qostanaılyq «Tobyl» petropavldyq «Qyzyljardy» jeńdi.
Kezdesýde qostanaılyq komandadan Serj Deble 76-mınýtta qarsylastar qaqpasynan sańylaý tapty.
Dál qazir birinshi kezeńnen keıin «Ordabasy» «Atyraýdy» 2:0, «Aqtóbe» «Shahterdi» 1:0 esebimen jeńip jatyr.
Al 4 maýsymda «Jetisý» (Taldyqorǵan) men «Kaspıı» (Aqtaý), «Qaısar» (Qyzylorda) men «Maqtaral» (Túrkistan oblysy) kezdesedi.
Eske salsaq, budan buryn «Qaırat» «Oqjetpesten» basym tústi.
