Fýtbol ardagerlerine ómirlik zeınetaqy tólenetin boldy
ALMATY. 27 qańtar. QazAqparat /Erlik Erjanuly/ - Qazaqstan Fýtbol federatsııasynyń Atqarý komıteti ómirlik zeınetaqyǵa usynylǵan fýtbol ardagerleriniń tizimin bekitti.
Federatsııanyń ınternet saıtyndaǵy aqparatqa qaraǵanda, bul tizimdi "Qazaqstan fýtboly ardagerleri" qoǵamdyq qory usynǵan. Endi olar aqpan aıynan bastap ómir boıy aı saıyn 30 myń teńge kóleminde aqsha alyp turmaq. Oǵan - KSRO sport sheberleri Ómirbek Bekbosynov, ıÝrıı Belasıkov, Gennadıı Kostıýchenko, Robert Antarıan, Seıtjan Baıshaqov, Borıs Işenko, Vladımır Chebotarev, KSRO sport sheberleri, Qazaq KSR eńbek sińirgen jattyqtyrýshylary Tımýr Segizbaev, Evgenıı Kýznetsov jáne Qazaq KSR-niń eńbek sińirgen bapkerleri Bolat Ǵalıev, Vladımır Bolotov, Anatolıı Kolıberdın enip otyr. Úmitkerlerdi irikteý kezinde mynadaı sharttar eskerildi. Sport ardageriniń jasynyń 63-ten asýy, «Qazaqstanyń eńbek sińirgen bapkeri», «Qazaqstanyń halyqaralyq dárejedegi sport sheberi», «Qazaqstannyń sport sheberi» dárejeleriniń birin ıelenýi. Oǵan sondaı-aq, bul sporttyq ataqtarǵa KSRO-nyń sport dárejeleri de teńestirilip otyr.
