Fýtbol: Anglııa Premer-lıgasy qaıta jalǵasyn tapty
NUR-SULTAN. QazAqparat - Búgin fýtboldan Anglııa Premer-lıgasy qaıta jalǵasty, dep habarlaıdy QazAqparat tilshisi.
Aǵylshyn klýbtary sońǵy 29-týrdy 7-9 naýryz kúnderi ótkizgen bolatyn. Koronavırýs ınfektsııasy qaýpiniń aldyn alý maqsatynda qalǵan týr oıyndary belgisiz merzimge keıinge shegerilgen edi.
Búgin jankúıerler «Manchester sıtı» men «Arsenal» arasyndaǵy kezdesýdi kútkeni belgili. Bul oıynda «Manchester sıtı» qarsylasyn 3:0 esebimen tas-talqan etti. Olardyń sapynan Rahım Sterlıng 45, Kevın De Breıne 51, Fılıp Foden 90-mınýttarda bir-bir goldan soqty.
Sondaı-aq, búgin «Aston Vılla» men «Sheffıld ıÝnaıted» klýbtary arasyndaǵy oıynda 0:0 esebi tirkeldi. Atalǵan týrdaǵy qalǵan oıyndar endi 19-21 maýsym aralyǵynda ótkiziledi.
Esterińizge sala ketelik, qazir týrnır kestesinde 82 upaımen «Lıverpýl» komandasy keledi. Olar endi qatarynan eki oıynda jeńiske jetse, chempıondyq ataqqa birneshe týr buryn qol jetkizedi. «Lıverpýl» mundaı mártebege sońǵy ret 1990 jyly ıe bolǵan edi.
Sondaı-aq, budan buryn Chempıondar lıgasy men Eýropa lıgasynyń fınaldyq kezeńi qalaı ótkiziletini habarlandy.
