Fýtbol: Anglııa kýbogy fınalynda synǵa túsetin komandalar anyqtaldy
NUR-SULTAN. QazAqparat - Fýtboldan Anglııa kýbogy fınalynda synǵa túsetin komandalar anyqtaldy, dep habarlaıdy QazAqparat tilshisi.
Fınalda el astanasy - London qalasynyń qos komandasy «Arsenal» men «Chelsı» kezdesedi. Oıyn 1 tamyzda «Wembley» stadıonynda bolady.
Jartylaı fınalda «Arsenal» óz alańynda «Manchester Sıtı» komandasyn 2:0 esebimen súrindirdi. Oıynda londondyq klýbtyń shabýylshysy Per-Emerık Obameıang 19, 71 mınýttarda qos goldyń avtory atandy. Ol óz komandasyn fınalǵa alyp shyqty.
Al búgin «Manchester ıÝnaıted» óz alańynda «Chelsı» komandasyna 1:3 esebimen jol berdi. Kezdesýde londondyq klýb sapynan Olıve Jırý 45, Meıson Maýnt 46, Garrı Magýaır 74-mınýttarda gol soqsa, oǵan alań ıeleri sapynan Brýný Fernandesh 85-mınýtta jalǵyz golmen jaýap qaıyrdy.
«Arsenal» Anglııa kýbogynda 13 dúrkin chempıon atandy. Sońǵysy - 2017 jyly. Sondaı-aq, 7 ret fınalǵa shyqqan bolatyn.
Al «Chelsı» atalmysh jarysta 8 márte jeńimpaz boldy. Kýbokqa olar sońǵy ret 2018 jyly qol jetkizdi.
Buǵan deıin fýtboldan 2022 jylǵy álem chempıonatynyń oıyn kestesi jarııalanǵanyn habarlaǵan bolatynbyz.
