Fýtbol: «Altaı» komandasy Birinshi lıgada ekinshi orynǵa kóterildi

ASTANA. KAZINFORM - Búgin fýtboldan Birinshi lıgada XVІ týrdyń alǵashqy oıyn kúni máresine jetti.

Óskemenniń «Altaı» komandasy bul joly syrt alańda «Aqtóbe-2» komandasymen kezdesti. Birinshilikti sátsiz bastaǵan klýb sońǵy týrlarda jaqsy oıyn órnegin kórsetip júr. Nátıjesinde qazir olar úzdik úshtikke taban tiredi.

Búgingi kezdesý barysynda óskemendik klýb sapynan Ádilet Omarbek 8, Dosjan Kenjeǵulov 14, 47, Seıf Popov 52, Álibı Muhıt 77, 86-mınýtta mergendik tanytty.
Osylaısha «Altaı» qarsylasynan 6:0 esebimen basym túsip, týrnrır kestesinde 35 upaımen ekinshi orynǵa kóterildi.

Sondaı-aq Pavlodar oblysynyń «Ekibastuzy» óz alańynda Almatynyń «Qaırat-2» komandasyna 2:3 almatylyq «Han táńiri» klýby sol qalanyń taǵy bir ókili AKAS komandasynana 0:2 esebimen jol berdi.

Endi 1 tamyzda «Túrkistan» men «Akademııa Ońtústik» (Shymkent), «Ertis» (Pavlodar) pen «Shahter» (Qaraǵandy), «Kaspıı» (Aqtaý) men «Taraz», «SD Family» (Astana) men «Jetisaı» (Túrkistan oblysy) oınaıdy. 

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.