Fýtbol: Almatynyń «TsESNA-97» komandasy Sergeı Kvochkın týrnıriniń jeńimpazy atandy
ALMATY. 9 qarasha. QazAqparat /Erbol Turymbetov/ - Keshe Almatyda Sergeı Kvochkın atyndaǵy jasóspirimderdiń dástúrli respýblıkalyq «Kúzgi demalys - 2010» fýtbol týrnıri máresine jetti. Oǵan 1997 jylǵa deıin týylǵan jasóspirimder qatysty.
Aqtyq synda almatylyq «TsESNA-97» jáne Taldyqorǵandyq «Jetisý» komandalary kezdesip, oıyn almatylyqtar paıdasyna sheshildi. Sóıtip, jalpy kestede 1-oryndy «TsESNA-97» (Almaty), 2-oryndy «Jetisý» (Taldyqorǵan), al 3-oryndy qaraǵandylyq «Shahter» komandasy aldy. Onan keıingi oryndarǵa DıÝSSh (Qarataý), «Bizdiń kompanııamyz» (Astana) jáne SDıÝShOR № 2 (Almaty) komandalary jaıǵasty. Oıyndar «Tsesna» stadıonynda ótti.
Týrnırdiń «Úzdik qaqpashy» bolyp Podymskıı Danıl (TsESNA-97) tanyldy, Eshibaev Náýirbek (SDıÝShOR №2) «úzdik qorǵaýshy» , Onanasıýk Vladıslav (Shahter) «úzdik jartylaı qorǵaýshy» , Aıbar Jaksylyq (Jetisý) «Úzdik shabýylshy» atandy. Rashıd Lıýhaı (TsESNA-97) "úzdik surmergen» - boldy. Rashıdtiń enshisinde - 5 dop.
Sergeı Kvochkın almatylyq «Qaırat» pen óskemendik «Vostok» komandalarynyń quramynda óner kórsetken tanymyl fýtbolshy bolatyn. KSRO joǵarǵy lıgasynda 232 oıyn ótkizip, 61 gol soqty. Sondaı-aq ol 1962 jyly KSRO quramasy sapynda Latyn Amerıkasy týrnesine attanǵan bolatyn. Sol joly áıgili «Marakana» stadıonynda Brazılııa qaqpasyna jeńis dobyn soqqan edi. Marqum osydan 3 jyl buryn 69 jasynda dúnıe saldy.
