Fýtbol: Alǵashqy týrda «Astana» men «Qaırat» jeńiske jetti
NUR-SULTAN. QazAqparat - Búgin elimizde fýtboldan Premer-lıga komandalary arasyndaǵy Qazaqstan birinshiliginiń alǵashqy týry bastaldy, dep habarlaıdy QazAqparat tilshisi.
Qazirge deıin úsh oıyn máresine jetti. Almatyda elordalyq «Astana» Petropavldyń «Qyzyljar» komandasyn qabyldady. Esterińizge sala ketelik, elordalyq klýb «Astana-arena» stadıonynyń daıyn bolmaýyna baılanysty óz alańyndaǵy oıyndaryn birinshi aınalymda Almaty qalasyndaǵy «Jas qyran» stadıonynda qabyldaıdy. Búgin «Astana» qarsylasynan 4:0 esebimen basym tústi. Oıynda olardyń qatarynan Pıeros Sotırıý 51, 82-mınýttarda qos goldyń avtory atansa, Rýnar Sıgýronson 88, Marın Tomasov 90-mınýtta qanjyǵasyn maılady.
Almatylyq «Qaırat» óz alańynda «Taraz» komandasyn 2:1 esebimen jeńdi. Almatylyqtar qatarynan 24 mınýtta Konrad Vrjeşınskıı gol soqsa, «Taraz» sapynan Nıls Tsatl tarazy basyn teńestirdi. Jeńis golyn 83-mınýtta almatylyq shabýylshy Abat Aıymbetov soqty.
Shymkentte jergilikti «Ordabasy» Kókshetaýdyń «Oqjetpes» komandasynan 1:0 esebimen basym tústi. Ony 57-mınýtta Rýben Brıdjıdo óziniń enshisine jazdy.
Búgin taǵy bir oıyn ótkiziledi. Qostanaıda jergilikti «Tobyl» men Qaraǵandynyń «Shahteri» arasyndaǵy arasyndaǵy kezdesý elorda ýaqytymen 17.00-de bastalady.
Al 8 naýryzda Qyzylordada «Qaısar» men Pavlodardyń «Ertisi», Aqtaýda «Kaspıı» men Taldyqorǵannyń «Jetisý» komandalary kezdesedi https://kaz.inform.kz/news/bugin-futboldan-el-birinshiligi-bastalady_a3622457