Fýtbol: Álem chempıonatynyń júlde qory 400 mln dollarǵa kóbeıdi
ASTANA. QazAqparat - FIFA saıtynyń habarlaýynsha, 2018 jylǵy álem chempıonatynda beriletin aqshalaı syıaqy 2014 jyly Brazılııada ótken Álem chempıonatyna qaraǵanda salmaqtyraq.
Atap aıtqanda, 12 paıyzǵa, ıaǵnı 400 mıllıon dollarǵa ulǵaıyp otyr.
FIFA Keńesi búgin, 27 qazanda Úndistandaǵy Kalkýttada ótkizgen otyrysynda osyndaı sheshim qabyldady.
Budan basqa FIFA Keńesi FIFA qoryn qurý týraly da sheshim qabyldady. Ol óziniń jumysyn 2018 jylǵy alǵashqy toqsanda bastamaq. Mundaǵy maqsat - áleýmettik damý baǵytyndaǵy bastamalardy uıymdastyrýǵa qarjylaı kómek berý.
