Fýtbol: Álem chempıonatyndaǵy alǵashqy iri nátıje tirkeldi, Germanııa Avstralııany 4:0 esebimen jeńdi
ASTANA. Maýsymnyń 14-i. QazAqparat /Ernur Aqanbaı/- Ońtústik Afrıka Respýblıkasynda ótip jatqan fýtboldan álem birinshiliginde keshe «D» tobyndaǵy komandalar jarysty bastady.
Bul toptyń úzdigi jáne álem chempıonatynyń bas júldesinen úmitker Germanııa quramasy Avstralııany 4:0 esebimen utty. Bul osy chempıonatta tirkelgen ázirge eń iri esep. Al, Gana quramasy bolsa 1:0 esebimen Serbııadan basym tústi. Osylaısha alǵashqy týrdan keıin «D» tobynda Germanııa men Gana kósh bastady. Maýsymnyń 18-i kúni Germanııa Serbııamen, al 19-y kúni Gana Avstralııamen kezdesedi.
Búgin, maýsymnyń 14-i kúni «E» tobynyń komandalary Gollandııa-Danııa jáne Kamerýn-Japonııa ózara sheberlik baıqasady. Sondaı-aq, búgin «F» tobyndaǵy Italııa men Paragvaı komandalary jasyl alańǵa shyǵady.
Buǵan deıin bolǵan oıyndardyń nátıjeleri mynadaı: «A» tobynda: Ońtústik Afrıka Respýblıkasy-Meksıka 1:1, Frantsııa-Ýrýgvaı 0:0; «V» tobynda: Koreıa-Grekııa 2:0, Argentına-Nıgerııa 1:0; «S» tobynda: Anglııa-AQSh 1:1, Slovenııa-Aljır 1:0.
