Fýtbol: Aldaǵy oıyndarda óz múmkindikterimizdi kórsetýge tyrysamyz - M.Beranek
ALMATY. 18 naýryz. QazAqparat /Ádilet Musahaev/ - Fýtboldan Qazaqstan ulttyq quramasynyń bas jattyqtyrýshysy Mıroslav Beranek "EURO-2012" chempıonatynyń irikteý týrnıri aıasynda 2011 jylǵy 25 naýryzda ótetin Germanııa men Qazaqstan kezdesýiniń qarsańynda komanda quramyna suryptaý júrgizgendigin málimdedi.
19 naýryzda el quramasy Germanııaǵa ushyp, oıyn aldyndaǵy daıyndyqty sonda jalǵastyrmaq. 19-24 naýryzǵa aralyǵynda ulttyq qurama Bad-Verıshofen jáne Kaızerslaýtern qalalarynda óz daıyndyqtaryn jetildiretin bolady.
Sonymen qatar M. Beranek elimizdiń namysyn qorǵaıtyn fýtbolshylardyń tizimin jasaqtaǵan. Sońǵy irikteý boıynsha komanda sapyna jańadan birneshe oıynshy qosylǵan.
«Túrkııamen ótken kezdesýden keıin quramanyń osal tustaryn ońaltý úshin birshama jumystar júrgizildi. Degenmen, alda aýyr match kútip tur. Sondyqtan shapshań qımyldy oıyn kórsetip, óz múmkindikterimizdi barynsha kórsetýge tyrysamyz», -deıdi Bas bapker.
Qazaqstan quramasynyń quramynda qaqpashylardan Davıd Lorııa (Ertis), Aleksandr Mokın (Shahter), Andreı Sıdelnıkov (Aqtóbe) bar, al qorǵaýshylardan Aleksandr Kıslıtsyn (Tobyl), Farhadbek Irısmetov (Ordabasy), Kaırat Nurdaýletov, Mıhaıl Rojkov (ekeýi de - Lokomotıv), Renat Abdýlın (Vostok), Vladıslav Chernyshov (Ertis), Anton Chıchýlın, ıÝrıı Logvınenko (ekeýi de - Aqtóbe) syndy sportshylar enip otyr.
Sonymen qatar ulttyq qurama sapynda Azat Nurǵalıev (Ordabasy), Sergeı Skoryh (Jetisý), Kazbek Geterıev (Jemchýjına-Sochı, Reseı), Maksım Azovskıı, Ulan Qonysbaev, Dmıtrıı Shomko (barlyǵy da - Lokomotıv), Jambyl Kókeev, Maqsat Baıjanov (ekeýi de - Shahter), Evgenıı Averchenko (Aqtóbe) jartylaı qorǵaýshylar tizimine enipti. Al, shabýylshylar qatarynda: Sergeı Hıjnıchenko (Shahter), Nurbol Jumasqalıev (Lokomotıv), Sergeı Ostapenko (Jetisý), Sergeı Lısenkov (Aqtóbe) bar.
Jaraqat alý sebebine baılanysty qorǵaýshlar - Samat Symaqov, Sergeı Karımov, Aleksandr Kırov jáne jartylaı qorǵaýshylar - Andreı Karpovıch, Genrıh Shmıdtgal, shabýylshy Andreı Fınonchenko qurama sapyna shaqyrtý almaǵan.
