Fýtbol alańynda úsh ret esinen tanǵan fýtbolshy ajal qushty
ASTANA. 23 maýsym. QazAqparat - Horvatııalyq «Istry 1961» komandasynyń jartylaı qorǵaýshysy Alen Pamıch jasóspirimder komandasynyń matchy kezinde qaza tapty,
dep habarlaıdy In Serbia. Fýtbolshy nebári 23 jasta bolǵan. Pamıch esinen tanǵan kezde oǵan medıtsınalyq kómek kórsetildi, biraq olar fýtbolshynyń ómirin saqtap qala almady, deıdi RBK.
Horvatııalyq joǵary dıvızıon chempıonaty komandasynyń bas jattyqtyrýshysy, onyń ákesi, ulttyq quramanyń burynǵy forvardy Igor Pamıch edi. Marqumnyń aǵasy Zvonko Pamıch zagrebtik «Dınamoda» oınaıdy.
Osyǵan deıin kishi Pamıch oıyn kezinde úsh ret esinen tanǵan. Ol birneshe ret fýtboldan ketip, emdeý kýrsy aıaqtalǵannan keıin qaıta oralǵan. Sońǵy matchta, ıaǵnı 16 aqpan kúni zagrebtik «Lokomotıvke» qarsy oınaǵan edi, sol kezde de sportshynyń densaýlyǵy syr bergen. 2010/11 maýsymyn Pamıch lejdik «Standart» komandasynda ótkizdi. Biraq alǵashy talmasynan soń fýtbolshyǵa Belgııadan ketýge týra keldi.
Sportshynyń ákesiniń aıtýynsha, dárigerlermen sońǵy ret sóılesken kezde olar balasynyń jaǵdaı jaqsy ekendigin, oıynǵa qatysa berýge bolatyndyǵyn aıtqan. Alaıda juma kúni fýtbolshy qaza tapty.
