Fýtbol: «Aqjaıyqtyń» surmergeni «Qaıratqa» aýysty
ORAL. QazAqparat - «Aqjaıyqtyń» shabýylshysy, ýkraınalyq legıoner Aderınsola Eseola Almatynyń «Qaıratyna» aýysty, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, Eseola oraldyq komandaǵa bıylǵy maýsymnyń basynan jalǵa alynǵan bolatyn.
Batysqazaqstandyq klýb quramynda 13 match ótkizip, 8 gol soqqan 26 jasar ýkraınalyq shabýylshy qazirgi kezde el chempıonatynda astanalyq, ganalyq legıoner Patrık Tvýmasımen birge mergender kóshin bastap keledi.
«Men «Aqjaıyq» pen onyń jankúıerlerine jyly qabyldaǵany úshin rızamyn. Oral men úshin týǵan qalamdaı boldy. Degenmen meni alda tyń belester kútip tur. Jańa komandama da paıda ákelemin dep oılaımyn», dedi Eseola.
Aıta keteıik, 17 maýsym kúni ótetin HІV týrda «Aqjaıyq» óz alańynda dál osy «Qaıratty» qabyldaıdy. Sonymen qatar qazirgi ýaqytta oraldyq klýbta bas bapker mindetin jergilikti maman Artýr Avakıants atqarýda. 13 mamyr kúni Aqtóbede «Aqtóbeden» 3:5 esebimen utylǵannan keıin ýkraınalyq maman Vladımır Mazıar komandadan ketip qalǵan bolatyn. Bıylǵy maýsym basynda jeti birdeı ýkraınalyq oıynshynyń «Aqjaıyqqa» alynýyna da uıytqy bolǵan sol V.Mazıar edi. Osylaısha olardyń qatary birtindep azaıyp barady.
