Fýtbol: «Aqjaıyqqa» jańadan tórt oıynshy alyndy

ORAL. QazAqparat – Premer-lıgada óner kórsetetin Oraldyń «Aqjaıyǵyna» jańadan tórt oıynshy alyndy, dep habarlaıdy QazAqparat tilshisi.

«Aqjaıyq» fýtbol klýbynyń baspasóz qyzmeti málim etkenindeı, qaqpashy Konstantın Mahnovskıı, qorǵaýshy Mılosh Stamenkovıch, jartylaı qorǵaýshy Rafael Sabıno jáne shabýylshy Oralhan Ómirtaevpen kelisimshartqa qol qoıyldy.

Qazaqstan ulttyq quramasynyń shabýylshysy O.Ómirtaev qaraǵandylyq «Shahterden» aýysty. Qalǵan úsheýi Ýkraınada dop tepken. K.Mahnovskıı «VPK-Agro», M.Stamenkovıch «Rýh», R.Sabıno «Lvov» klýbynda oınady.

Osyǵan deıin qabyldanǵan Belarýs shabýylshy Anton Soroka komandadan ketti.

«Qazirgi kezde «Aqjaıyq» quramy jasaqtalyp bola keldi dep aıtýǵa bolady. Taǵy eki oıynshyny qarap jatyrmyz. Komandada ótken maýsymda oınaǵan jergilikti fýtbolshylar qaldy. Sondaı-aq jastar da qosyldy», dedi QazAqparat tilshisine «Aqjaıyq» fýtbol klýbynyń dırektory Azamat Shaıhy.

Ýkraınalyq maman Vladımır Mazıar jattyqtyratyn oraldyq klýb jańa maýsymdaǵy betashar matchyn 6 naýryzda Qostanaıda el chempıony «Tobylmen» ótkizedi.

Eske sala keteıik, budan buryn qazaqstandyq Zaınýtdınovtiń «Spartak» - TsSKA matchynda tamasha gol soqqanyn jazǵan bolatynbyz.