Fýtbol: «Aqjaıyqqa» jańadan eki ýkraınalyq oıynshy qosyldy
ORAL. QazAqparat – Premer-lıgada óner kórsetetin «Aqjaıyqqa» jańadan eki ýkraınalyq oıynshy alyndy, dep habarlaıdy QazAqparat tilshisi.
«Aqjaıyq» fýtbol klýbynyń dırektory Azamat Shaıhynyń aıtýynsha, qorǵaýshy Artem Baranovskıı men shabýylshy Mıkola Kovtalıýkpen kelisimshartqa qol qoıyldy.
Tájirıbeli A.Baranovskıı 30 jasta. Oǵan Qazaqstan premer-lıgasy da tańsyq emes, qorǵaýshy buǵan deıin «Shahter» (Qaraǵandy), «Qyzyljar» (Petropavl) komandalarynyń namysyn qorǵady.
Al 25 jastaǵy M.Kovtalıýk osy kezge deıin Ýkraına, Grýzııa klýbtarynda oınaǵan. Sonyń ishinde «Dınamo» (Tbılısı) quramynda Grýzııanyń kúmis júldegeri atanǵan.
«Komanda osymen tolyq jasaqtaldy. Qazir Oraldamyz. 14 naýryz kúni Qostanaıdyń «Tobylymen» syrt alańda ótetin alǵashqy oıynǵa daıyndalý ústindemiz», dedi QazAqparat tilshisine A.Shaıhy.
Eske sala keteıik, budan buryn «Qaıratta» dop tepken eki oıynshynyń «Aqjaıyqqa» alynǵanyn jazǵan bolatynbyz.
