Fýtbol: «Aqjaıyqqa» taǵy úsh oıynshy qosyldy
ORAL. QazAqparat – Premer-lıgaǵa qaıtyp oralǵan «Aqjaıyq» klýby taǵy úsh oıynshymen kelisimshartqa qol qoıdy, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmeti málim etkenindeı, sonyń biri – qorǵaýshy, Máskeý fýtbolynyń túlegi, 31 jastaǵy Sergeı Shýstıkov.
Kásibı jolyn 2008 jyly «Krylıa Sovetov» (Samara) klýbynyń quramynda bastaǵan qorǵaýshy «Hımkı» (Dzerjınsk), «Rostov», «Volga» (Ýlıanovsk) komandalarynda dop tepti. Sońǵy bes maýsymda «Torpedo» (Máskeý) namysyn qorǵady. Bir matchta Reseı jastar quramasy sapynda alańǵa shyqqan.
Ol – ataqty fýtbolshy, 1964 jylǵy Eýropa chempıonatynyń kúmis júldegeri, ótken ǵasyrdyń alpysynshy, jetpisinshi jyldary «Torpedonyń» betkeustary bolǵan Vıktor Shýstıkovtiń nemeresi. Ákesi Sergeı Shýstıkov ta «Torpedo», ıspanııalyq «Rasıng», «Osasýna» klýbtarynda oınaǵan.
«Aqjaıyqqa» sondaı-aq kezinde Ýkraına jastar quramasy sapynda dop tepken 33 jastaǵy shabýylshy Alekseı Chıchıkov ta keldi. «Vorksla», «Lokomotıv» (Máskeý) jáne sońǵy eki maýsymda «Dnepr» (Dnepropetrovsk) komandasy quramynda alańǵa shyqty.
Qorǵaýshy, 26 jastaǵy Pavel Nazarenko – Belarýs fýtbolynyń túlegi. «Dınamo» (Mınsk), «Slýtsk» jáne 2020 jyly «Vıtebsk» komandasynda oınady.
Eske sala keteıik, budan buryn «Aqjaıyq» komandasyna jańadan bes oıynshy alynǵanyn jazǵan bolatynbyz.
