Fýtbol: «Aqjaıyqqa» taǵy bir ýkraınalyq oıynshy alyndy
ORAL. QazAqparat - «Aqjaıyq» komandasyna taǵy bir ýkraınalyq oıynshy alyndy, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, jartylaı qorǵaýshy Ambrosıı Chachýamen kelisimshartqa qol qoıyldy.
A.Chachýa 1994 jyly 2 sáýirde dúnıege kelgen. Fýtbolmen 2007 jyly Rovnonyń «Veres» klýby quramynda aınalysa bastaǵan.
2011 jyly «Karpaty» (Lvov) klýbynyń jastar, kelesi maýsymda qosalqy quramynda oınady. 2013 jyly negizgi quramǵa aýysyp, sodan beri 90-nan astam match ótkizdi.
Sonymen qatar A.Chachýa Ýkraınanyń 19 jáne 21 jasqa deıingi quramalarynda óner kórsetti.
Aıta keteıik, jýyrda «Aqjaıyq» komandasynyń tizginin ustaǵan ýkraınalyq maman Sergeı Zaıtsev dál sol «Karpaty» klýbynan kelgen bolatyn. Al bıylǵy maýsym bastalǵannan beri oraldyq klýb quramynda ýkraınalyq legıonerler, qaqpashy Evgenıı Borovık, sondaı-aq Sergeı Basov, Andreı Tkachýk, Igor Hýdobıaktar oınap keledi.
S.Zaıtsev shákirtteri HHІ týr kezdesýin 4 tamyz kúni Taldyqorǵanda jergilikti «Jetisý» komandasymen ótkizedi. Ótken týrda Shymkentte «Ordabasyny» utyp ketken taldyqorǵandyqtar 25 upaımen týrnır kestesinde besinshi orynǵa kóterilgen bolatyn. Al 24 upaıy bar «Aqjaıyq» «Qaısar», «Aqtóbe» komandalarymen birge 6-8-inshi oryndardy bólisýde.
