Fýtbol: «Aqjaıyq» Túrkııada qaı komandalarmen oınaıdy

ORAL. QazAqparat - Jańa maýsymǵa daıyndalyp jatqan «Aqjaıyqtyń» Túrkııada qaı komandalarmen kezdesetini belgili boldy, dep habarlaıdy QazAqparat tilshisi.

«Aqjaıyq» fýtbol klýbynyń baspasóz qyzmetinen túsken málimetke qaraǵanda, bıyl birinshi lıgada oınaıtyn oraldyqtar alǵashqy joldastyq matchyn aldaǵy seısenbide Serbııanyń sýperlıgasynda óner kórsetetin «Spartak» (Sýbotıtsa) komandasymen ótkizýdi josparlap otyr.

Batysqazaqstandyqtar sondaı-aq, 1 aqpan kúni Bolgarııanyń birinshi lıgasynda oınaıtyn «Botev» (Vratsa), 5 aqpanda Ózbekstan sýperlıgasynyń ókili «Metallýrg» (Bekabad) , 8 aqpanda Reseıdiń ekinshi lıgasynda óner kórsetetin «Ýrojaı» (Krasnodar) klýbymen jasyl alańǵa shyǵady.

Sońǵy joldastyq báseke 11 aqpan kúni ózbekstandyq "Andıjan" klýbymen ótedi.

Taǵy bir jańalyq, komandany ótken jazdan beri jattyqtyryp kelgen ýkraınalyq maman Sergeı Zaıtsev «Aqjaıyqta» qalatyn boldy. Endi ol oraldyq klýbty premer-lıgaǵa qaıta alyp shyǵý úshin kúsh salmaqshy.

Eske sala keteıik, budan buryn «Aqjaıyqqa» bas bapker retinde Sergeı Zaıtsev kelgenin, jańa dırektor taǵaıyndalǵanyn jáne komandanyń Túrkııaǵa attanǵanyn jazǵan bolatynbyz.