Fýtbol: «Aqjaıyq» syrt alańda «Qyzyljardan» basym tústi
ORAL. QazAqparat - Fýtboldan Qazaqstan chempıonatynyń 16-týrynda Petropavlda jergilikti «Qyzyljar» Oraldyń «Aqjaıyq» komandasyn qabyldady, dep habarlaıdy QazAqparat tilshisi.
Osynyń aldynda úsh ret qatarynan jeńilis tapqan «Aqjaıyq» qalaıda jankúıerleriniń kóńilinen shyǵýǵa tyrysyp baqty.
Bir jaqsysy, jaraqatynan aıyqqan ýkraınalyq qaqpashy Sergeı Lıtovchenko qaıtyp oraldy.
Birinshi taımda qos komanda pálendeı óner kórsete alǵan joq.
Ekinshi taımda 50-mınýtta oraldyq Ivan Antıpov esep ashty - 1:0. Budan keıin komandalar qansha shabýylǵa shyǵyp kórgenmen, esep ózgergen joq.
Birinshi aınalymda Oralda «Qyzyljar» 1:0 esebimen jeńiske jetken edi. «Aqjaıyq» sonyń esesin qaıyrdy.
Ýkraınalyq maman Vladımır Mazıardyń shákirtteri 24 upaımen týrnır kestesinde tórtinshi orynǵa qaıta kóterildi.
Eske sala keteıik, budan buryn «Aqjaıyqtyń» óz alańynda «Ordabasyǵa» ese jibergenin jazǵan bolatynbyz.
Sýretter: Aıbatyr Nurash.
