Fýtbol: «Aqjaıyq» syrt alańda «Qaısarmen» teń oınady
ORAL. QazAqparat - Fýtboldan premer-lıga komandalary arasynda el birinshiliginiń ekinshi týrynda «Aqjaıyq» Qyzylordada «Qaısar» komandasymen synǵa tústi, dep habarlaıdy «QazAqparat» tilshisi.
Alma-kezek shabýylmen ótken birinshi taımda esep ashylǵan joq. Ekinshi taımda 53-mınýtta qaqpa aldyndaǵy qarbalas sátti tıimdi paıdalanǵan Matıas Kýror alań ıelerin alǵa shyǵardy. Budan keıin qonaqtar tarazy basyn teńestirýge umtyldy. Ýkraınalyq legıoner Aderınsola Eseolanyń baspen soqqan dobyn tóreshi Fýrkat Atajanov shabýylshy oıynnan tys qaldy dep eseptegen joq. Esesine 73-mınýtta sol qaptaldan Qazaqstan jastar quramasynyń múshesi Ivan Antıpovtyń bergen pasyn Erkebulan Nurǵalıev múlt jibermedi. «Qaısar» barynsha shabýyldap baqqanymen, «Aqjaıyq» teń esepti saqtap qaldy.
Sóıtip 1:1 esebimen teń tarqasqan komandalar bıylǵy chempıonattaǵy alǵashqy upaılaryna ıe boldy. 31 naýryz kúni ótetin úshinshi týrda «Aqjaıyq» óz alańynda Pavlodardyń «Ertisin» qabyldasa, qyzylordalyqtar elordada «Astanamen» alańǵa shyǵady.
Aıta keteıik, Taldyqorǵanda «Jetisý» komandasyn 2:0 esebimen utqan el chempıony «Astana» dop aıyrmasymen týrnır kestesinde kósh bastap keledi. Almatyda 2:0 esebimen «Atyraýdy» súrindirgen «Qaırat», sondaı-aq óz alańdarynda 2:1 esebimen sáıkesinshe «Qyzyljar» (Petropavl) men «Aqtóbeni» tize búktirgen «Ordabasy» jáne «Ertis» komandalarynyń da enshisinde 6 upaıdan bar. Bul týrda Qostanaıdyń «Tobyly» kútpegen jerden óz alańynda Qaraǵandynyń «Shahterine» 0:1 esebimen jol berdi.
Foto: sports.kz
