Fýtbol: «Aqjaıyq» «Spartakty» jeńdi
ORAL. QazAqparat - Túrkııada ekinshi oqý-jattyǵý jıynyn ótkizip jatqan Oraldyń «Aqjaıyǵy» Latvııa chempıony «Spartakpen» (ıÝrmala) alańǵa shyqty, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, bul - oraldyq klýbtyń osy jıyn barysyndaǵy altynshy joldastyq kezdesýi. Bul oıynda 57-mınýtta ýkraınalyq shabýylshy Aderınsola Eseola 11 metrlik penaltıdi múltiksiz oryndap, komandasyna jeńis áperdi.
«Aqjaıyq» buǵan deıin Armenııanyń tórt dúrkin chempıony «Shırak» klýbyn dál osyndaı eseppen utqan bolatyn. Onda da A.Eseola mergendik tanytqan edi.
Sonymen qatar ýkraınalyq maman Vladımır Mazıar jattyqtyratyn oraldyq komandanyń kelesi qarsylasy da belgili boldy.
Batysqazaqstandyqtar danııalyq «Tısted» klýbymen sheberlik baıqasady.
Eske sala keteıik, 1 naýryzda aıaqtalatyn oqý-jattyǵý jıyny barysynda komanda quramy naqtylanýda. Jýyrda «Aqjaıyqqa» jańadan tórt birdeı oıynshy qosylǵan bolatyn.
