Fýtbol: «Aqjaıyq» Serbııanyń komandasymen kezdesti
ORAL. QazAqparat - Túrkııada jańa maýsymǵa daıyndalyp jatqan Oraldyń «Aqjaıyǵy» tórtinshi kezdesýin ótkizdi, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, oraldyqtar Serbııanyń «Dınamo» (Vrane) komandasymen alańǵa shyqty. «Dınamo» - óz elindegi birinshi lıgadan sýperlıgaǵa shyqqan klýb.
«Aqjaıyqtyń» bas bapkeri, ýkraınalyq maman Vladımır Mazıar keıbir oıynshylardy oryndaryn aýystyryp, qarady. ıAǵnı, basty maqsat - nátıje emes, fýtbolshylardy synap kórý. Soǵan baılanysty komanda quramy naqtylanatyn bolady. Bul baıqaý oıynynda «Dınamo» komandasy 3:0 esebimen jeńiske jetti.
Munyń aldynda «Aqjaıyq» armenııalyq «Banantspen» (Erevan) 1:1 esebimen teń oınasa, «Der ETO» (Vengrııa) jáne Stal Melets» (Polsha) komandalaryna 0:1 esebimen ese jibergen bolatyn.
Eske sala keteıik, fýtboldan premer-lıga komandalary arasynda Qazaqstan chempıonatynda óner kórsetetin «Aqjaıyqtyń» Túrkııadaǵy ekinshi jattyǵý jıyny 1 naýryzda márege jetedi.
Bıylǵy birinshiliktegi alǵashqy oıynyn oraldyqtar 11 naýryz kúni Astanada el chempıonymen ótkizedi. Sodan keıin 17 naýryzda Qyzylordada «Qaısarmen» oınaıdy. Óz alańynda 31 naýryzda Pavlodardyń «Ertisin» qabyldaıdy.
