Fýtbol: «Aqjaıyq» rýmynııalyq klýbty oısyrata utty
ORAL. QazAqparat - Túrkııada Oraldyń «Aqjaıyǵy» Rýmynııa birinshiliginiń joǵary lıgasynda óner kórsetetin «Volýntarı» klýbyn oısyrata utty, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, joldastyq matchta esepti Oraldyń óz túlegi Erkin Tapalov ashty. Sodan keıin komandaǵa jýyrda ǵana alynǵan ýkraınalyq shabýylshy Eseola Aderınsola qos goldyń avtory atandy. Ekinshi taımda «Aqjaıyqta» synnan ótip júrgen Igor Výzachıch oıyn núktesin qoıdy.
Buǵan deıin «Aqjaıyq» joldastyq kezdesýlerde reseılik «Amkar» (Perm) jáne «Kýban» (Krasnodar) komandalaryn 1:0 esebimen utqan bolatyn.
Aıta keteıik, ýkraınalyq maman Vladımır Mazıar jattyqtyratyn oraldyq klýb Túrkııadaǵy birinshi oqý-jattyǵý jıynyn 28 qańtarda aıaqtaıdy. Sodan keıin Oralǵa oralyp, 4 aqpanda sol elde ótetin ekinshi jıynǵa attanady.
