Fýtbol: «Aqjaıyq» premer-lıgaǵa qaıtyp oraldy
ORAL. QazAqparat – Oraldyń «Aqjaıyq» fýtbol klýby premer-lıgaǵa qaıtyp oraldy, dep habarlaıdy QazAqparat tilshisi.
«Aqjaıyq» fýtbol klýbynyń dırektory Azamat Shaıhynyń málim etkenindeı, bıyl premer-lıgada 14 komanda oınaıtyn bolǵandyqtan, sol sapqa oraldyqtar da qosyldy.
«Biz ótken maýsymda birinshi lıgada óz tobymyzda «Atyraýdan» keıin ekinshi orynǵa ıe boldyq. Osy sporttyq nátıje boıynsha premer-lıgaǵa oralyp otyrmyz. Jýyrda bas bapker máselesi sheshiletin bolady. Jańadan oıynshylar alynady. Qazir komanda Oralda jattyǵýda. Ruqsat berilse, Túrkııaǵa oqý-jattyǵý jıynyna baratyn bolamyz», dedi QazAqparat tilshisine Azamat Shaıhy.
Eske sala keteıik, budan buryn premer-lıgada 14 komanda oınaıtyn bolǵanyn jazǵan edik.
