Fýtbol: «Aqjaıyq» pen «Taraz» teń tarqasty
ORAL. QazAqparat - Premer-lıga joldamasy úshin matchta «Aqjaıyq» óz alańynda «Taraz» komandasyn qabyldady, dep habarlaıdy QazAqparat tilshisi.
Premer-lıga komandalary arasyndaǵy bıylǵy el chempıonatynda tarazdyqtar onynshy orynǵa turaqtaǵan edi.
Al oraldyqtar birinshi lıgada úshinshi orynǵa ıe bolyp, qola júldegeri atandy.
Premer-lıgada kósh sońynda qalǵan «Aqtóbe» men «Atyraý» birinshi topqa túsip qalsa, aldaǵy jylǵy maýsymda olardyń ornyn Petropavldyń «Qyzyljary» men Aqtaýdyń «Kaspııi» basady. Al taǵy bir joldamany «Taraz» ben «Aqjaıyq» sarapqa salyp otyr.
Tartysty ótken kezdesý barysynda alań ıeleri qarsylas qaqpasyna bir dop engizgenimen, ol oıynnan tys qaldy degen sebeppen eseptelmedi.
Osylaısha báseke 0:0 esebimen teń aıaqtaldy.
Endi joldama taǵdyry 18 qarasha kúni Tarazda ótetin qarymta matchta sheshiledi.
