Fýtbol: «Aqjaıyq» óz alańynda «Tobyldan» jeńilip qaldy
ORAL. QazAqparat - Fýtboldan el chempıonatynyń HHV týrynda Oraldyń «Aqjaıyǵy» óz alańynda Qostanaıdyń «Tobylyn» qabyldady, dep habarlaıdy QazAqparat tilshisi.
Qos komanda ótken týrda qarsylastaryna ese jibergendikten, bul kezdesý ekeýi úshin de asa mańyzdy edi
Qostanaılyqtar úzdik úshtikti túıindep turǵanymen, odan keıingiler júldeli orynnan úmitin úze qoıǵan joq-ty. Al «Aqjaıyqqa» sońǵy oryndarǵa túsip qalmaý úshin upaı aýadaı qajet bolatyn.
Birinshi taımda komandalar barynsha saq oınaǵandyqtan, qaýipti sátter kóp bola qoıǵan joq.
Oıynnyń ekinshi kezeńinde aldymen qostanaılyqtar basymdylyq kórsetse, sodan keıin oraldyqtar qarap qalmady. Ýkraınalyq legıoner Igor Hýdobıaktyń alystan tepken dobyn onyń otandasy, «Tobyldyń» qaqpashysy Dmıtrıı Nepogodov qaıtardy. Berik Shaıhovtyń soqqan doby qaqpa mańdaıshasynan keri qaıtty. Kóp uzamaı «Aqjaıyqtyń» qaqpashysy, taǵy bir ýkraınalyq Evgenıı Borovık te seıv jasap úlgerdi. Alaıda ol 81-mınýtta «Tobyldyń» sapyndaǵy grýzııalyq legıoner Djaba Kankavanyń jaqynnan tepken dobyna eshteńe jasaı almady.
Budan keıin alań ıeleri alǵa umtylǵanymen, odan paıda bola qoıǵan joq. Matchtyń eń sońǵy sátinde Ivan Antıpov qonaqtardyń aıyp alańynda qulap qalǵanymen, tóreshi Danııar Sahı 11 metrlik núktege nusqamady.
Osylaısha 1:0 esebimen jeńiske jetken qostanaılyqtar 43 upaımen úshinshi orynǵa nyq bekı tústi. 30 qyrkúıek kúni ótetin XXVIII týrda Qaraǵandyǵa qonaqqa baratyn «Aqjaıyq» ázirge segizinshi orynda keledi.
Aıta keteıik, bul týrda «Qyzyljar» Petropavlda Qaraǵandynyń «Shahterin» 2:1 esebimen tize búktirse, Almatynyń «Qaıraty» dál sondaı eseppen Qyzylordada «Qaısardy» jeńdi. Taldyqorǵanda «Jetisý» - «Ordabasy» komandalary 1:1 esebimen teń tarqasty. El chempıony "Astana" Atyraýda alań ıelerinen aılasyn asyrdy - 1:0
Foto: fctobol.kz
