Fýtbol: «Aqjaıyq» oıynshysy Pertsýh taǵy da jeńis golyn soqty
ORAL. QazAqparat - Fýtboldan premer-lıga komandalary arasynda el birinshiliginiń 30-týrynda Oraldyń «Aqjaıyǵy» óz alańynda «Atyraýdy» qabyldap, 1:0 esebimen jeńiske jetti, dep habarlaıdy «QazAqparat» tilshisi.
Oraldyqtar men atyraýlyqtar 26 upaımen týrnır kestesinde 10-ynshy jáne 11-inshi orynda kele jatqandyqtan, bul kezdesý olar úshin asa mańyzdy edi. Birinshi taımda qos komanda da sheber oıyn órnegin kórsete almady. Qaqpaǵa qatty qaýip tóndirgen sátter bola qoıǵan joq.
Úziliste bas bapker Vahıd Masýdovtan aqyl-keńes alǵan bolýy kerek, «Aqjaıyq» fýtbolshylary alańǵa shıryǵyp shyǵyp, birden shabýyldaýǵa kóshti. Degenmen birde «Atyraýdyń» qaqpashysy Andreı Pasechenko sátti oınasa, keleside qorǵaýshylar qaqpany aman alyp qalyp jatty. 79-mınýtta oń qaptaldan Dmıtrıı Shmıdttiń alystan bergen pasyn dál qabyldaǵan ıÝrıı Pertsýh qaqpashymen jekedara shyǵyp, buryshty dál kózdedi.
Osylaısha, Qazaqstan jastar quramasynyń múshesi, 21 jasar ıÝ.Pertsýh ekinshi ret jeńis golyn saldy. Ol ótken týrda Pavlodarda Qazaqstan ulttyq quramasynyń múshesi Davıd Lorııa qorǵaǵan «Ertistiń» qaqpasyna baspen dop kirgizgen bolatyn.
Bul oıynnan keıin 29 upaı jınaǵan «Aqjaıyq» qaýipti aımaqtan sytylyp, joǵary kóterilse, «Atyraý» on birinshi orynda qaldy. Oraldyqtar kelesi kezdesýin 24 qyrkúıek kúni óz alańynda Qaraǵandynyń «Shahterimen» ótkizedi.
