Fýtbol: «Aqjaıyq» makedonııalyq klýbpen teń oınady
ORAL. QazAqparat - Túrkııada ekinshi oqý-jattyǵý jıynyn ótkizip jatqan Oraldyń «Aqjaıyǵy» «Sloga Makedonııa» klýbymen joldastyq kezdesý ótkizdi, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, tartysty ótken match 1:1 esebimen teń aıaqtaldy.
Oraldyqtar qaralymǵa kelgen oıynshynyń kómegimen esep ashqanymen, sol kórsetkishti saqtap tura almady.
Komandanyń bas bapkeri, ýkraınalyq maman Sergeı Zaıtsevtiń aıtýynsha, aýa raıynyń qolaısyzdyǵyna qaramastan, fýtbolshylar óz ónerlerin barynsha kórsetip baqty. Solardyń ishinde jas oıynshylar da alańǵa shyqty.
«Gol soǵatyn múmkindikter az bolǵan joq. Degenmen búgin jaraqatynan jańa aıyǵyp, qatarǵa qosylǵan fýtbolshylar kóbirek oınady. Eń bastysy, olar qaısarlyqtaryn kórsete bildi. Alda joldastyq eki kezdesý bar. Sol matchtarda fýtbolshylardyń shama-sharqyn baıqap kóremiz. Sodan keıin premer-lıgaǵa qaıta oralýdy maqsat etip otyrǵan biz chempıonatqa tastúıin daıyndyqpen baramyz dep oılaımyz», dedi S.Zaıtsev.
Eske sala keteıik, budan buryn «Aqjaıyqtyń» premer-lıgada oınaıtyn Pavlodardyń «Ertisin» utqanyn jazǵan bolatynbyz.
Jýyrda batysqazaqstandyq klýbqa jańadan eki oıynshy alyndy.
Oraldyqtar 2 naýryzda «Gomel» (Belarýs), 6-synda «Dnepr» (Ýkraına) komandalarymen oınaıdy.
